Журналист бўлмоқчиман

         

Хар биримиз болалигимизданоқ турли хил касб соҳиби бўлиш истагида юрамиз. Йиллар ўтиши билан касблар орасида кўнгилга яқин ва энг муносибини саралаб оламиз. Шундай касблар борки инсон уни танлай олмайди, аксинча касб инсонни танлайди. Ана шундай қисматга битилган касблардан бири журналистика соҳасидур. 

         Журналист ким- у инсонлар дардини ўз дарди деб биладиган, хақиқат куйчиси, жамият ва халқ ўртасидаги кўприк. Юқорида келтириб ўтилган эьтирофларга муносиб журналистлар (айниқса ёш ижодкорлар) вилоятимизда ҳам талайгина. Биргина хабар ёки янгиликни ёритишда, уни ойнаи жаҳон орқали намойиш этишда, журналист маҳоратидан ташқари ёшларни шукроналик ила яшашга ундайдиган олтин қалам соҳибларига хавасмандман. Мустақил юрт фарзанди сифатида ўша буюк келажакка хисса қўшишни бугундан бошлаяпман. Элда эьзозли кабнинг муносиб вакили бўлиш истаги билан чекланиб қолмай, журналистика соҳасига янгиликлар киритиш мақсадидаман.

         Дарахтнинг бўй чўзиши унинг қандай озуқа олганига боғлиқ. Халқ кайфиятининг озуқа манбаи эса журналистлар, уларнинг намоён қилаётган ишларидир. Шу боисдан маьсулиятли, лекин шарафли касб соҳибларини байрам билан муборакбот этаман. Йиллар ўтиб ушбу байрамни “хақиқий журналист” сифатида нишонлаш учун меҳнат қиламан. М.Юсуф айтганидек “Шоирлик мен учун асло орзумас...”. Болаликда орзуга айланмаган, аммо йиллар ўтиб қисматга битилган касб мени танлаганидан бахтиёрман. Хуллас, журналист бўлмоқчиман!   

        

                  

Эшмуродова Дурдона