HAYOT DAVOM ETADI

                 

 Ufqdan ko`tarilayotgan quyosh uning zarrin nurlari atrofidagi ajib gullarning hushbo`y ifori-bu tong.

Bunda nafaqat insonlar, gullar, qushlar dov-daraxtlar balki insoniyatning ajib hislari ham uyg`onadi-bu bahor tongi.

 So`ngra hislar barg yozib, gullar meva beradi, hayotning lazzatbahsh onlaridan bahramand bo`ladi-bu yoz tongi.

Ajabo o`sha hislar gullab yashnayotgan bo`lsada, hazonlarga ham aylanishi mumkin. Qovjirab yolg`on va`dalar asiri singari sarg`ayadi-bu kuz tongi.

 O`sha sarg`ayib to`kilayotgan barglar hayotning beshavqat sinovlaridan muzlaydi, oppoq qorlar orasiga berkinadi-bu qish tongi.

 Mana o`sha sinovlarga dosh bergan barg uni qaxraton qish orasidan sug`urib, ajib gullar orasiga soling, zero yana gullab meva bersin, chunki u hayotning sinovlariga dosh bera oladi, zero qishning bag`ridan chiqqan barg yanada hayotning sinovlariga tayyor turadi. Faqat uni uyg`otish kerak. Axir hayot davom etayapti.

 O, go`zal tabiat gullayapsan, buloqlarning shodon qiqirlashi kabi kulayapsan. Senda yana ajib hislar uyg`onadi-yana o`sha bahor tongi.

 Yillar, oylar o`taveradi, gullar goh so`nadi, goh yolg`on va`dalar qurboni singari sarg`ayadi, to`kiladi, goh muzlaydi, lekin hayot davom etaveradi.

 Buni tushunganing uchun senga rahmat-ONA TABIAT.

                                                     ESHMURODOVA DURDONA/