POK TUYG`ULAR

 Qishning ilk kunlari juda zerikarli o`tarkan. Har daqiqa yolg`izlikni eslatib turganday bo`ladi bu qish. Ayni shu topda faqatgina radio meni yolg`izlikdan olib chiqadi. Undan kelayotgan ovoz, yoqimli ovoz juda shirali, erta tongdan nimanidur kutib yashayotgan qaxratonda muzlagan dillarga iliqlik uyg`otadi. Bu men har gal kutadigan dastur, ana boshlandi.
--“Kecha o`tgan edi sizning yoningizda,
G`oyibona uchrashyapmiz fursat yetib,
 Orom berish bois sizning joningizga,

Yoningizda bo`lmoqdamiz tongdan o`tib.

 Sizning xonadoningizda, ko`nglingizga yaqin deb bilganingiz sizdan mehr istovchi, sizga-da yaqin bo`lishni, har daqiqa hamrohingiz bo`lishgada ilhaq НРТ Termiz radiosi.”

 --Ha ko`nglimga yaqin bilganim, sen bilan yaqin bo`lishga ilhaq radio. Atrof oppoq qorga burkangan. U har bir uyga oppoq kapalaklar singari uchib kirib borayapti. Sen ham har bir xonadonga poklik ulashayotgandaysan.

--“Qishning mayin yog`ayotgan qorlari barchangizga baxt olib kelsin. Oppoq qorga qiyoslangan pok tuyg`ular qalbingizni nurga to`ldirsin.”

--Pok tuyg`ular. Ha, oppoq qorga qiyoslangan pok tuyg`ular. Insonda bu tuyg`ular bo`lishi kerak. U tuyg`ularni qor kabi har bir insonga, har bir xonadonga ulashish kerak. Faqatgina bunda qor emas mehr bo`lib, soflik bo`lib, pok tuyg`ular oppoq orzular bo`lib.

--“Hayot turfa ranglarga burkangan. Uning ranglari yoz jaziramasida ham qish qaxratonida ham uchraydi. Siz esa bunday kunlarni pok tuyg`ularingiz bilan bosib o`ting.”

--Darhaqiqat, insonga poklik, mehr muhabbat hamroh bo`lsa u har qanday mashaqqatni bosib o`ta oladi. O`sha bosgan izlaringizni mehr muhabbat ezgulik kabi tuyg`ularingiz yog`ilib, bosgan izingizni nurga to`ldiradi. Huddi o`sha oppoq qorga qiyoslangan pok tuyg`ular kabi…

                                            ESHMURODOVA DURDONA