QADRLI OHANGLAR

       Oila davrasida o’tirib,mumtoz kuy qo’shiqlarni va jozibali raqslarni miriqib ko’rayotgandik,shu payt eshik taqilladi.Eshikni ochsam,qo’shni ayol oyimni so’rab chiqibdi.Darrov uyga taklif qildim.Qo’shnimiz oyim bilan hol-ahvol so’rashgach,televizorga yuzini chimirgancha qarab:

  “Yana g’azalmi,shu siqasi chiqqan qo’shiqlani jinim suymaydi. Bundan zamonviyroq qo’shiqlardan,filmlardan havola etishsa bo’lmaydimi?”deya zorlandi ayol. Men esa bir qo’shnimizga,bir televizorga qarab o’yga botdim. Negaki shu payt aynan oynai jahonda xonanda “Munojot”ni kuylayotgandi. Bu ohangni tinglab,qanchalar shirin o’y surish mumkin-a?! Buvamlarnikiga  borganimda bu qo’shiqni qanchalar qadrli,aziz ekanligini anglaganman. Ular keksayib qolishganligi uchun shu kuyni mehr bilan tinglashadi desam,yosh bo’la turib mening ham bu kuyga qiziqishim ortdi-ku.

     To’g’ri,biz hozirgi kun yoshlarimiz ota-bobolarimiz davridagi san’at darg’alarini tanimaymiz. Ma’murjon Uzoqov,Tavkkal Qodirov,Jo’raxon Sultonov,Komiljon Otaniyoxov,Tamaraxonim kabi hofizlarni tanisak-da,ma’nosiga tushunib bo’maydigan yengil-yelpi qo’shiqlarga,kuylarga berilib ularni unutayotganimiz sir emas. Ammo kimdur bu darg’alarimiz qo’shiqlaridan bahramand bo’lishi kerak-ku. Zero,unutilmas maqom qo’shiqlarimiz bizning milliyligimizdan nishona ekanligini unutmasligimiz lozim.

                                                    ESHMURODOVA DURDONA