SEPGA QO`SHILADIGAN YANGICHA BUYUM

Bir paytlar kelin sepining ko`rki sanalgan, keyinchalik yoqolib ketgan taomillar, shukrki, bugun yana qayta tiklana boshladi.

Inson borki, nasl-nasabi va ajdolarining urf-odatlariyu rasm-rusumlari bilan qiziqadi, albatta. Qadimda to`ylar bilan bog`lik ezgu odatlar endilikda yana davom etyapti.

Surxon voxasining Denov tumanida kelin sepi borasida yangicha urf qo`shilgan. Denovliklar sepiga xalqimizning chinakam qaxramonlik timsoli bo`lgan “Alpomish” dostonini qo`shib beradigan bo`lishdi. Bu doston vositasida oila qurayotgan yoshlar oilaga va ona Vatanga muhabbat, yorga vafo va sadoqat, shuningdek, jo`mardlik va shijoat,adolat va holislik, sabr va matonat ta`limini olishlari shubhasiz. Oila qurish ostonasida turgan yoshlar dostonni o`qib, undan ma`naviy ozuqa olishi, avlodlarga bu ming yillik qadriyatlarni yetkazishi, kelajakda Alpkelbat o`g`lonlaru Barchinoydek qizlar ko`payishidan umid qilinadi. Qolaversa, qariyb unitilayozgan ko’hna udumlarimizni el orasiga olib kirishda ham ushbu taomil yaxshi samara beradi.

 Xalqimizda yosh oilaning kamolini ko`zlab qilinadigan xayrli tutumlarimiz ko`p. Ular kamchiqim va nodirligi bilan ham e`tiborli. Menimcha, kelin sepiga yana chanqovuz ham qo`shilsa, “Alpomish” dostonini o`qib, chanqovuz chalib o`sgan farzand yuksak didli, ezgulik va nazokatga moyil bo`lib ulg`ayadi va albatta, barkamol bo`ladi.

                                                                  ESHMURODOVA DURDONA